娛樂圈比較有實力既歌手，新一輩真係唔多，肯用心去唱歌既更加罕有，而陳奕迅更難得係有音樂感添。但呢位後生仔，叫人都幾擔心下！

係九成記者心目中，對佢既印象都係：「情緒化、神經質同埋臭脾氣。」其實呢，佢成日都搵緊一個令自己徹底平衡既位置，對於一D有天分既藝人，自視自傲係難免既，佢對於一D比自己有料既人，係好謙虛同埋聽話既，只要你叻過佢，你講乜佢都乖乖依循。辣子唔係幫佢講野，一個「臭檔」但心地好既人，其實係最蝕底既，所謂「鱷魚頭老襯底」咪呢種囉！如果想情緒穩定D， Eason都要過左30歲後，因為佢再唔俾屬於獅子既太陽座同埋天蠍既月亮座影響，性格同潛意識傾向後者多D，唔會為左要進步而辛苦自己，再大年紀D，佢既藝術天分會更加突出， Eason，爭氣D呀！