|
Eason當眾徐褲證痊癒
東方新地 2002年5月2日
身在台灣的Eason，連日來繼續四出宣傳，但大眾不時對他下體行「注目禮」，令他尷尬不已！反而當日演出校園騷時受傷並未造成陰影，Eason日前繼續舉行校園演唱會，在台上綵排時紮紮跳，凌空做出「人字馬」等高危動作，又在千多名學生面前除褲，以證明自己已經痊癒。
「細佬」被人笑
其實受傷至今短短十六日，Eason無論身心皆受創，尤其港台傳媒不斷大幅報導其傷勢及推測後遺症，令他大受壓力：「我呢幾日出街，發覺D人成日望任我個度陰陰咀笑，好鬼尷尬！我唔想再因為呢件事做新聞人物，睇到厭啦，我每朝早起身照鏡見到自己個樣，都忍唔住擰歪臉話：「嘩，又係呢條友，好煩呀！」所以我唔想再提。」
即使無人提，相信Eason都終生難忘，因為這是他人生最痛。受傷當日，Eason根據醫生指示敷冰：我用右手楂冰，左手楂住自己下體係度敷冰，但都痛到頂唔順，於是醫生同我係右手打支嗎啡針止痛，當堂右手痛過下邊，不過，打完針好HIGH?，嘻嘻。」Eason仲好鬼馬咁同記者講，受傷後見過佢下體既，除左女友外，仲有佢助手Dicky，因為敷冰當日佢都在場。
凌空表演「人字馬」
本週二(三十日)，Eason特地捱了兩個半小時車程，到曲栗市出席某報主辦的校園演唱會。Eason在漫長的車程中，一直坐唔定，不時在車廂內爬來爬去，即使坐著時亦擘大雙腳來坐，又穿上鬆身牛仔褲，相信是避免觸碰傷口。但下午綵排時，Eason一上到台就變成另一個人，音樂一起即時發台癲，在台上又跑又跳，更突然跳起來凌空表演「人字馬」，傷勢似乎已完全無礙。
特登甩褲fans尖叫
晚上正式演出，Eason一口氣唱足十幾首歌，中途唱到興起，Eason突然拉起上衣，露出明顯消瘦不少的「豬腩肉」，惹來台下fans連聲尖叫。當觀眾反應進入高潮時，Eason語帶興奮地說：「0拿，我無除褲，係條褲鬆得滯自己跌咋！」他語畢後踏住褲腳，然後扭動身體令牛仔褲向下滑，一直「除」到露出大半個屁股，幸好裏面的「孖煙通」穩守最後防線，才不至於出現上次裸露屁股的情況。
|
