事業陷低潮 父親陷牢獄
Eason精神崩潰想唔撈

蘋果日報 2004年3月28日

歌藝備受讚賞的陳奕迅（Eason）近年厄運不絕，其父陳裘大因貪污被判入獄七年，他與英皇的關係因續約問題而鬧得甚僵，慘被打入冷宮。Eason曾因而精神崩潰，更萌生退出樂壇的念頭。

煩惱篇
「唔想咁辛苦」

熱愛唱歌的陳奕迅出道以來一直風調雨順，歌藝和才華深受外界欣賞，但近年卻交上厄運，使他心力交瘁。

慘被打入冷宮

Eason父親陳裘大因貪污受賄被判入獄七年，兼被追討二百六十萬元賄款，更有說Eason要應付龐大的律師費支出。事業方面，Eason與英皇娛樂的合約在今年七月約滿，雙方關係因傾約問題而弄得很僵，昔日的天之驕子被打入冷宮，曝光率驟降。傳媒不斷追問他的去向，有說他為了替父親籌上訴的律師費，簽約的首要條件是金錢。

對於外間種種揣測，Eason沒好氣說：「上年發生咁多事，我都試過精神崩潰，好彩公司畀我放假減下壓，如果唔係真係會頂唔順。係情緒低落時，我都有諗過唔撈，但冷靜落黎，我又係度諗自己咁鍾意唱歌，唔做呢行又可以做乜呢？結果又打消呢個念頭。」

「我爹地單官司係使左我好多律師費，但唔係傳聞咁誇張要成千萬，其實都係幾百萬（約五百萬），呢筆律師費我可以應付到，我從來冇為錢搞到想賣樓，或續唔續約英皇要考慮錢有幾多，好老實將來既動向，我心�堳Y有個打算，總之我決定係點，第一個知既人一定係楊老闆（楊受成）。」

求私家經理人

Eason續說：「咁多年黎英皇對我真係唔錯，我本身唔係咁鍾意適應新環境，但係近年工作量真係太多，我自問體力上應付唔到，當然係呢方面我唔可以怪晒公司，因為當初我簽約英皇使左咁大舊錢，係公司立場要我做番足夠既工作係無可厚非，但未來日子我真係唔想咁辛苦，希望以後可以拍少D戲，多番D時間係唱歌方面，所以同唔同公司續約，首先我會考慮公司想法會唔會同我一樣。」

Eason認為英皇經理人部門的主管霍紋希工作太忙，要管理的藝人實在太多，他希望有一位私人的經理人可為自己安排工作，好讓自己的事業發展更上一層樓。Eason說：「我相信搞掂合約既事後，成個人會即刻鬆晒，我希望出番多D唱片，有多D時間打開內地同台灣市場。」

父親身體無恙

除了要解決續約問題外，一向孝順的Eason亦要應付父親上訴的事情，不過有些圈中朋友卻認為Eason不應再上訴，免得再花巨額律師費，但Eason語帶激動說：「上唔上訴既事，我唔想公開，我係呢個圈已經冇乜朋友，近年黎我已經好少同圈中人來往，我覺得係朋友既話唔會去講呢D事，佢地根本唔清楚實際情況，到而家冇一個朋友同我講過呢件事。最近我有探過爹地，佢身體狀況OK啦！」

感情篇
徐濠縈唔大使

徐濠縈經常被指是大花筒，Eason為女友呼冤說：「D人成日話我女朋友大使，又話我同女友就黎散，呢D全部唔係事實，佢好鍾意行街，同時亦都係佢既工作需要，因為佢係I.T時裝店做野，好需要了解時裝潮流，不過佢只係鍾意行街睇下，但實際買野就好少。」

自揭浪費惡習

Eason續說：「反而我就鍾意成日買埋D『垃圾』返屋企，單車都買左三部，但我實際根本踩唔到咁多部，久而久之就會發覺好多野買返�虧Y用唔到，我相信好多人同我一樣，有呢個浪費既毛病。」

興趣篇
扮阿倫搞氣氛

入行前的Eason很喜歡去卡拉OK唱歌，而且特別喜歡模仿四大天王及譚詠麟（阿倫）唱歌。

Eason笑說：「由細到大我都好鍾意學下出名既歌星唱歌，到自己入左娛樂圈之後，有時上台表演唔想咁沉悶，我會扮下其他歌星唱歌，等氣氛冇咁悶。」

高唱《一生中最愛》

Eason續說：「好似之前我開演唱會，頭幾場我覺得冇乜氣氛，我係台上靈機一觸，不如扮野話今晚特別嘉賓係阿倫，等大家周圍搵，睇下阿倫係邊個窿出黎，果時我就開始模�鶗樨\唱《一生中最愛》呢首歌，真係諗唔到反應咁好。」