陳奕迅 Kidult無罪

Jet Magazine 2004年5月

1) 何謂kidult?

一個具孩子氣的人,永遠有童真就有好奇心, 這也是我對事物的心態. 我是7分kid3分adult, 那個經常變及浮動的思想, 基本上已解釋了我是個kidult. 即是某些情況大家覺得我應該用adult的方法去處理, 我心裹還是希望可以盡量不用煩. 我本來就不介意這種性格, 但在這個社會上, 周遭的人令我懷疑這種率真的性格是錯的. 我不甘心, 我錯在那裹? 我只是唱歌, 你喜歡聽便聽, 不喜歡也罷. 性格好難改變, 只能在某些事情的處理上變, 其實好多時在發生一些上了頭條的所謂"大事" 時, 我都會想" 咦, 我又做錯野? Mud呢d野又唔講得!", 是那些"大人" 就會這個不能說那個不能說, 事情根本可以好簡單, 沒有信心才會有過多憂慮, 他們的言論反而影響我的信心, 對我造成壓力.

2) 怎樣情況下最想脫離kidult的身分?

要我做決定的時候, 決定是”大人”去做的. 某些情況下, 譬如daddy 的事件, 需要好adult 去處理……其實由”大人”的角度去看事件, 就覺得事情好嚴重, 但由一個小孩的心態去看, 其實可沒有甚麼大不了. 就好似電影<<忘不了>>裹面那個細路, 爸爸死了, 他問甚麼是死? “大人” 說即是” 去旅行”, 他會相信, 然後肆無忌憚地對人說:’ 爸爸死了.” 不喜不憂, 只是說出事實. 我daddy坐監, 也不過是樁事實一不然可以怎樣? 其實好多事情都可以用細路仔一點去處理.

3) kidult 性格對你在娛樂圈的待人處事有沒有影響?

有.,但都是壞的居多, 面對傳媒, 有時候會忍唔住會好細路仔咁笑番佢地”串”佢地, 但最後當然落得更惡劣的後果. 其實這些應對可以由經理人去解圍, 但我沒有好好利用經理人! 應該 ” 有咩問我經理人, 我淨係識唱歌.” 忽然覺得這個地方好無自由. 入行前我都有留意娛樂圈. ,但預計歸預計, 到實際情況發生時, 又會覺得 “下!mud 咁0嫁!” 有時我都會?, 去到頒獎禮後台, 大家傾計還不外說 “ 你對鞋係邊度買, 件衫係邊度買” 咁又jer! 可否說其他話題? 我所接觸的觀眾都只會對我說音樂上的東西, 譬如個show 好睇, 你扮譚詠倫正喎, 好少問其他野. 其實我們一直在serve 媒體, 樂迷根本未必有興趣知道我唱歌以外的事情. 我小時候也不愛看娛樂版, 只係鍾意唱歌, 咪去唱歌, 但現在逼住要我答問題, 想細路仔d 唔答, 又話我發癩, 這就是壓力.

4）　新唱片進度如何？

公司其實還沒有計畫，基本上是一張不知何時會推出的大碟，但我則認為，始終都要做，不如先做好了，反正完了合約就會放假，其他事情稍後再處理，我需要一段時間玩下活動下，希望得到新視野新看法，然後可以作?歌。我之前幾個月已經跟同事一起揀歌，本來想五六個人投票選歌，但可能大家都有太多考量，難以選出真正適合的歌曲，包括我自己，於是唯有找來producer，真正做歌的人去統籌整件事。我建議找Jim Lee，他以往給我做過兩張很出色的國語碟，所以這張專輯Jim做了9首歌，Eric Kwok做１首，歌詞則全部由林夕寫。林夕很用心寫，有些歌詞reject了，他也會再寫，最辛苦是頭兩三日，四分歌詞reject 了三分，因為不太配合編曲，由於時間上匆忙，只得某段時間可以錄音，又要就拍戲檔期，所以編曲與填詞是同時各自做的。喜歡跟Jim合作，好有默契，我們的出發點，是做音樂的這班人先做了出來enjoy了，才讓promotion的去構思如何market了那些歌。

5）　你最kidult的玩意？

我收藏好多未用過的火柴盒，以前會揀特別的，現在幾乎每到酒店也拿一個走，慣?！我其實幾鐘意懷舊，收藏品日後再拿出來看，就會想起原來我去過哪裹哪裹，以前是mummy開始收藏，後來她不玩了，我便全線接收，還有我住過的酒店的鎖匙我一定「tart」（偷），會在那些鎖匙card上打個洞再串連起來，通常都是為了作紀念……其實，好想做個實驗（一個都幾kidult的實驗），我好想夾埋幾個朋友，戴晒面具在銅鑼灣街頭唱歌，好似在日本涉浴那樣，因為好多時，觀眾只是因為陳奕迅而吸引到他們去看，好想知道戴了面具又如何，相信一定很好玩。