|
陳奕迅沉醉音樂天空
東周刊 1997年9月11日
文：李雪琪
唔做工程師做歌星，或者有人會覺得好可惜。但對於滿有理想的陳奕迅來說，在面對抉擇的一刻，並沒有太大的矛盾。能夠實現多年來想做歌手的理想，比可以賺到更多的收入，陳奕迅認為更值得。
陳奕迅的爸爸是工程師，當然希望兒子可以承繼衣砵，但兒子不做工程師卻去當歌手，父親對此依然極之支持。
「一路以黎，我都好鍾意唱歌，想修音樂多過設計，我成日覺得，如果要我做一份好舒服既工作，但興趣並唔係咁大，咁我寧願做一樣好有興趣，就算係會做得好辛苦既工！」陳奕迅便有這份執著，現在成為樂壇一分子，他亦明白是吸收人生經驗的時候。
主動溝通
「呢一行雖然要講運氣，但唔可以坐係度等運到，要過到自己個關，先要做好自己要做既野。只要做好本份，就算人地唔接受你，自己都算係盡左力。」
「有人可以一步三級跳，呢D就要配合運氣、人際關係、性格與實力；真材實料固然好重要，但用誠意去建立人際關係也不能忽視。」
陳奕迅坦言，自己外表可能比較Cool，初入行時又唔識同身邊D人打開話題，係多人既場合只會坐埋一邊，但現在他明白到應多些主動與人溝通。
相信實力
會唔會有好宏大的目標？「有目標，但唔會好誇張。現在我已經開始相信循序漸進，反而在未入行前因為睇到好多藝人好似好容易咁就會得到好多（回報），但其實每個人効呢個圈都要付出努力！
「自己最大心願係希望人地可以欣賞到我鍾意既音樂！」陳奕迅一直非常感激支持他的嫂嫂：「她俾到好多鼓勵我，記得她曾經這樣對我說過：『如果你唔去參加新秀，可能二十年後，睇到黎參加新秀既後生仔女，你就會後悔自己當時點解唔參加！』」由開始的一刻，陳奕迅就對音樂無悔。
|
