葉蒨文佩服Eason 專業
東方日報 2003年12月05日
葉蒨文稍後會與陳奕迅（Eason ）一齊做「拉闊音樂會」，日內便會進行綵排，她說知道陳奕迅正為家事煩惱，但她深信陳奕迅具專業精神，一定不會影響演出。相反，如果她自己有事就一定會好受影響。
葉蒨文前晚為無綫「勁歌金曲」錄影時說：「我好服呢個後生仔，之前喺我屋企開會，佢嘅電話冇停過，但一樣同我傾到野，只係擔心點樣做好D音樂，我真係好鍾意佢既性格。我知佢而家好大壓力，但佢冇表現出黎，所以我唔會打電話騷擾佢，畀空間佢都係一種支持。」
另外，葉蒨文又大讚「勁歌」另一嘉賓莫文蔚，她說：「佢唔止性格好可愛，身材仲靚到死，我見到都唔知幾『恨』，好想好想有機會同佢合作。」
