陳奕迅恨做傑青

東方日報 2003年12月05日

陳奕迅雖然受父親陳裘大的官司困擾，但一向孝順的他，前日買三份早餐打算跟父親及女友徐濠縈齊齊分享後，晚上即為新片《重案黐孖Gun 》開工。

Eason 甫到片場即埋位化妝，心情輕鬆笑容滿面，似乎未受父親的官司影響工作，不過當記者問及他父親的問題時，他只淡言：「我冇野講！」然而提起女友親手煲的鮑魚雞湯即歡喜若狂，還笑謂：「真係好正，不過我想話畀大家知，佢去街市唔係買鮑魚，係去買雞咋！」

Eason前晚開工見到郭富城，即恭喜對方當選「傑青」，還追問城城如何能當選「傑青」，是否要報名等。原來，Eason也希望有朝一日能成為「傑青」，更下定決心多做善事回饋社會。

城城工作態度值得學習

Eason 大讚城城謂：「佢真係好專業，有一次我地係片場拍戲，果度又焗又熱，打到成身臭汗黐立立，點知我無端端見到佢企埋一邊換衫試身，然後再將套黐立立既衫著番上身，我心諗佢係咪傻架？點知第二日睇到季選，佢原來就係果套衫拎獎，佢真係好專業，我地呢一輩真係做唔到，呢種對工作咁認真態度真係好值得學習！」城城聽到即時笑謂：「呢D唔使講啦，大家都好清楚！」

對於最近不和的傳聞，城城跟Eason 大唱反調，更指大家合作愉快，還破天荒演出一場親熱戲，但如何親熱卻大賣關子，城城還笑謂：「到時睇下咪知係點囉！」