|
陳裘大罪成兒子好友關心
安仔康仔留言開解Eason
太陽報 2003年12月13日
陳奕迅（Eason）父親陳裘大涉貪污案，昨日裁定十項罪名成立，Eason情緒顯得低落，幸得公司上下及眾好友許志安及蘇永康等支持。
陳奕迅父親陳裘大涉貪污罪，經過陪審團三日的審議後，最終裁定十項罪名成立，Eason的情緒明顯轉差，公司上下及眾好友紛紛慰問支持。許志安昨晚出席唱片公司飯局時，表示與Eason一切盡在心中，一班好友定必撐他，希望他能放鬆心情，他說︰「我會留言畀佢，希望佢做番自己嘅嘢！」而蘇永康昨晚出席活動時表示已聯絡Eason︰「佢心情都平復咗！佢呢個星期啲EQ都幾高，今晚唔會搵佢。」
吳國敬：Take it easy！
吳國敬則說︰「叫佢Take it easy，依家費事騷擾佢，遲啲先同佢去旅行行開𣈳！」張栢芝亦表示會百分百支持Eason。至於英皇方面，老闆楊受成更落下指示，呼籲公司上下發揮團結精神，要全力支持Eason。經理人Mani昨晚透過電話回應︰「Eason忙緊拍戲，公司同寰宇溝通咗，希望唔好安排探班，等佢靜𣈳！」英皇高層吳雨亦說︰「公司上下會支持Eason，佢有需要就會幫佢，我都會打畀佢問候一下！」
另外，車淑梅昨晚透過電話說︰「乜事都係等判決出咗先講，真係好可惜，唔明點解佢咁做，我藉此慰問Eason，大家要支持佢。」而鄭經翰亦深表可惜︰「對一個高級公務員嚟講，涉及貪污係嚴重問題，係罪有應得，希望大家唔好用有色眼鏡睇Eason。」查小欣說︰「Eason嘅EQ真係好好，做足一百分，如果認為唔公平可以上訴。」
|
