|
陳奕迅扮笑 拒談父上訴事
東方日報 2003年12月14日
庭上向父親陳裘大高呼「I Love You! 」的歌星陳奕迅（Eason ），目送摯親被送入獄後，昨日已收拾心情，全情投入工作，他先到半島酒店參加一個私人慈善活動，之後再起程到台灣為新唱片舉行簽名會，被問到會否為父親上訴，陳即扮笑以「騎騎騎」回答，似乎已逐漸接受父親被定罪的事實。
收拾心情赴台宣傳唱片
近日身體不適的Eason，昨日戴上口罩，於下午一時半離開嘉崙臺住所，先到銅鑼灣取東西，再到半島酒店出席一個私人慈善活動後，出發到機場飛台灣為新唱片舉行簽名會，Eason 的心情並沒異樣，與經理人霍紋希有講有笑，記者趁機會上前問他會否為父親上訴？他即扮笑以「騎騎騎」回答，隨即又禮貌地叫記者給他卡片，記者說沒卡片在身，他即笑謂：「唔緊要嘅，等我返嚟先啦！」
英皇藝人管理部總監霍紋希表示：「陳奕迅去台灣宣傳，會係星期一返香港。（點解唔放假？）其實我地都有問過佢放唔放假，但佢話想開工，佢真係好專業，好好。（佢心情點呀？）冇乜問題呀！（你有冇安慰佢？）得架勒！（咁佢幾時探爸爸？）呢樣野真係唔知！」
而Music Plus 高級總經理甘菁菁前晚曾到嘉崙臺探望Eason ，她說：「佢心情平復咗好多，我冇見到佢喊，佢好識諗，知道發生咩事同接受咗呢個事實，其實我都有叫佢不如放假休息吓，但佢話唔想因為佢影響到其他同事既工作，佢仲拍緊兩部電影，亦都唔需要公司加派人手照顧佢，不過佢成晚都冇乜講野，好沉默，佢仲話知道老闆楊受成十分關心佢，因為楊生係第一個打電話畀佢問候佢既人，因為呢幾日佢都唔係睡得咁好，所以尋晚佢好早上床休息。（佢會唔會出席頒獎禮？）而家未知呀！」
|
