|
探完父監心情靚靚
Eason勇猛踢波滿場飛
太陽報 2003年12月18日
陳奕迅前日到荔枝角收押所探望爹哋後，終可暫時放低沉重心情，昨日他相約一班好友如梁漢文及吳國敬等踢波舒展悶氣，之後更一擲四千多元買氣槍鬆一鬆。
陳奕迅（Eason）日前探完爹0地陳裘大後，昨日終可放鬆心情約好友踢波，下午二時許他首先乘保母車到中環會合吳國敬，之後便直駛往順利村足球場，梁漢文（Edmond）、吳家樂和洪天明等已一早到達，Eason落車時，記者上前問他日前探望爹哋的情況，他沒有回答之餘還擰轉面，後來又笑笑口步入更衣室。
換上全套黑色曼聯球衣的Eason，與洪天明等人組成一隊，與Edmond及吳國敬那隊鬥波，起初Eason只擔任助攻位置，後來終忍不住衝前射門，腳風甚順的他更一射破網，現場所見，Eason表現搏命，升踢到碌地沙，之後他轉做守龍門，表現一樣勇猛，勇救十多個險球，並吸引不少學生圍觀。
試槍搵傳媒做靶
到比賽完畢，記者再問Eason爹0地身體情況如何，他仍笑而不答，接著與吳國敬坐保母車到旺角買外國雜誌及氣槍，試槍時Eason更拿槍瞄準店外記者，結果他買了支價值二千九百元的氣槍及一個千多元的紅外線瞄準器，合共四千多元。
離開時Eason主動向記者說：「我頭先試槍，唔係射你地！同埋你地得唔得閒，可唔可以車一車阿敬去鴨利洲？」不過吳國敬最後還是自行乘的士離開，Eason則返家休息。
|
