|
晨早探老父賀聖誕 帶女友捧王菲
孝順Eason：我冇事
蘋果日報 2003年12月27日
 陳奕迅（Eason）前日趁聖誕佳節到收押所探望父親後，晚上與女友徐濠縈到紅館欣賞王菲演唱會。Eason在後台遇到王菲經理人時，對方叫他「開心啲」，Eason卻強調說：「我冇事」。
陳奕迅（Eason）的父親陳裘大日前被裁定十項公職人員收受利益罪名成立，還押荔枝角收押所候判。前日陳裘大在收押所度過聖誕節，雖然Eason近日忙為電影《重案黐孖Gun》和《大佬愛美麗》開工，但仍一早帶同女友徐濠縈探望父親。至晚上七時許，Eason與徐濠縈又再出動，到紅館欣賞王菲演唱會。
走路一拐一拐
現場所見，Eason輕搭一位女性友人進場，走路時更是一拐一拐，似乎是有腳傷。Eason沿途與女性友人有傾有講，對記者的提問卻充耳不聞。Eason與徐濠縈進場後，記者不斷叫喊Eason名字，但Eason不但未有理會，更索性別過臉，將身穿的電影《大佬愛美麗》T恤宣傳字句展示人前，令在旁的徐濠縈忍俊不禁，指着Eason背脊儍笑。
Eason前晚心情不俗，睇足全場，完騷後他先跟記者揮手講拜拜，然後走入後台探王菲，可惜王菲因要趕着開會，只能跟Eason匆匆傾談幾句。其間王菲經理人陳家瑛見到Eason，不忘為他打氣說：「開心啲！」但Eason則說：「我冇事。」
|
