陳奕迅妙想天開借觀音個「蓮」坐

東方日報 2004年12月17日

陳奕迅（Eason）前晚與許志安、梁漢文、關心妍、Uncle Ray及張德蘭等歌手，出席假灣仔會展舉行的「金曲迴響顯愛心」慈善晚會，期間Eason被問到會否效法張學友親自作歌送給女兒，雖然Eason女兒一歲未到，但他已經急不及待灌輸女兒應有的「矜持」，並靈機一觸，隨口哼起兩句歌詞提醒女兒「咪蝕底」給男孩，認真廿四孝老竇。

望帶來多些歡笑

Eason初時講到想作一首關於「笑」的歌曲輯錄在明年的新碟內，並坦言做老竇心情十分開心，希望帶多些歡笑給大家。問他會否模仿學友作歌給女兒，Eason聞言笑笑口表示：「學友寫畀個女首叫《搖瑤》，咁我咪要寫首《提堤》（Eason女兒名字名為陳康堤）？」被記者提起時Eason隨即興致大發，還開始口中唸唸有詞：「『唔好咁細個就咁快蝕底，第時遇到男仔唔好濟，叫你返屋企你話咪』！」全場人士聽後無不拍手叫絕，而Eason亦忍不住哈哈大笑，想不到平時紮紮跳的他做了老竇果然唔同。

沒聽聞王菲結婚

另外，對於有報道指圈中藝人借運，Eason聞言又繼續發放「笑彈」，並表示：「乜觀音咁多運借既咩？�纗B都畀人借晒，我就唔會再借，不過想借觀音個『蓮』，睇�麉Y咪真係坐得咁舒服！」此外，對於外界盛傳王菲與男友李亞鵬已秘密結婚，與王菲同一經理人的Eason表示自己沒有聽聞過她結婚。