東方日報 2007年04月29日

說話直腸直肚的陳奕迅（Eason），早前看完日本天后濱崎步在港舉行的演唱會，質疑步姐有三分一是咪嘴之言論後，引起軒然大波，日前更有日本傳媒暗示步姐為此介懷要買醉解憂。前晚Eason表示已私下向步姐道歉，並說不會借踩人而打入日本市場！

Eason前晚為新國語專輯《認了吧》，招待六十位歌迷到電台進行《好回家陳奕迅EASYTALK講樂會》，親身介紹大碟創作意念。期間Eason自爆新歌《好久不見》的演繹方法是模仿張國榮（哥哥）的唱腔。Eason表示哥哥是他的偶像，在哥哥身上有好多得 ，雖然哥哥的造型及唱腔在出道初亦備受批評，但之後卻大受樂迷尊重及崇拜，談到這 ，他有感而發說：「前輩（哥哥）對我影響力好大，但冇諗過自己 影響都咁大。」

冇諗過出口傷人

言下之意是否指步姐咪嘴事件？他嘆道：「唔係！有時我會諗，點解我講 成日都牽連咁大，搞出咁多事，由出道到依家都係咁，我從來冇諗過講 去傷害人，只係想講就講，完全冇機心去講，唔知會影響咁多人，我同大家一樣，都係有一對耳、一對眼，同一個口，點解我講 就會有咁多事。」

有指Eason質疑步姐咪嘴的言論，令他藉此成功打入日本市場，對此，Eason十分愕然，意外得「 」了一聲，並澄清自己不會是踩住人上之人：「我唔係特登，如果因為呢 新聞打入日本市場，一 都唔光彩，希望以歌手身份進軍日本市場，我唔係想傷害佢，如果傷害到佢，唔好意思！」

託台灣Avex道歉

會否公開正式向步姐道歉？Eason卻自爆：「唔使公開去做，私底下做 。 英皇時我張國語碟由台灣Avex發行（步姐的唱片公司），我已經向台灣Avex董事長講『我唔係有心，唔知牽連咁大』，但唔知佢有冇幫我轉達呢番話。」

Eason更多番強調不是專登去抨擊步姐的個唱，他再重申：「我唔係有心，估唔到傳媒影響力咁大。」

儘管有說步姐因Eason言論大感不快，但仍無損其財路！繼早前的Figure和鏡子後，步姐再度跟人見人愛的HelloKitty合作，並加碼邀得鑽石品牌，攜手推出兩款閃令令電話繩，售價約六百五十港元，勢要令fans大解慳囊。